التزام الصمت حكمة يوم تسريد العلومي
يكشف أسرار العرب و يبيح سدود النوايا
الوليد اللي منول زاهيه لبس الهدومي
كان صامت من جماله تحسده حتى المرايا
مار كثرة هرجه بليا دليل ولا لزومي
خلته في عيشته ماله قدر بين البرايا
لو شمت حاله و صاح وعود لسانه يلومي
جاوبه قال البلى مما تشيله فالحوايا
وأنت يالساكت ليا وصل المزح فرك الخشومي
وحشروك و علقوك أهل الحناجر فالزوايا
و خانك لسانك وقال اليوم عن هرجي بصومي
إقطعه من حد عرقه لا تخلي له بقايا
اللسان يسر من يرفاه و بحقه يقومي
سيف مغمد بس له صوله على روس الحيايا
لمصاخين العرب معروف له طبِِ يدومي
ميسمِِ حامي ليا منه كوى زاد الكوايا
و خير من هذا وهذا يالفهيم اللي تشومي
عن تفاهات الإمور و عن رديات السجايا
لا لهجت بذكر محص اعداد خلقه و النجومي
عالمِِ بالغيب حدد وقت نزلات المنايا
البنادم قافيه بعد الهنا ضيق الثلومي
من شمت يلقى مطارق من صمت يلقى مزايا
من طرف 
